Touriz-la

Lagwadloup ni on pannyé plen chawm é atirans pou touris davwa sé on tè ola bèlté a péyizaj-la olendeng, kilti-la é tout bon gou a fwitaj a-y sé rézilta a on sakré migannaj. Rapòt a gran pouvwa a-y lasa, tan fè tan, touriz pwan lanvòl, kifèwvwè jòdijou sé on sèktè ki an mèt adan lékonomi an-nou. Tousa ka menné dòt kan monté kontèl komès, transpò, sèvis, kontriksyon adan on liyannaj a aktivité.

An chif :

  • pousa ki kaz é rèstoran sé 8% mawché a antoupriz Gwadloup
  • kantité moun ka vin an kwazyè sé oliwon 160 000 (fen désanm 2013)
  • to dévlopman a moun an kwazyè pa lanné ant 2003 é 2013 sé 2%
  • laréopò "Pôle Caraïbes" vwè oliwon 2 milyon moun ki vin san konté séla ki té ka fè jis on pasaj la a fen désanm 2013
  • to dévlopman a laréopò pa lanné ant 2003 é 2013 sé 1,7%
  • oliwon 500 000 touris ki séjouné an péyi-la, pasé pa laréopò "Pôle Caraïbes" adan on lanné
  • touris dépansé oliwon 505 milyon chak lanné. Fò konté pa owa 1 000€ pou chak vwayajè

Laréjyon Gwadloup ka ba sèktè touris on bèl fòs davwa sé tout téritwa-la ka gannyé.

Kolèktivité Réjyonal ka rédé moun ki ka pòté mannèv pou dévlopman a sèktè-la, pou vin pli modèn oben pou ay an sans a kliyan a-yo. I ka goumé pou on politik a anménajman bòsko é ka wouvè si dòt lidé nèf pou sa ki vlé, asèlfen bèlté é lanvi vin an bannzil an-nou rété entak.

Lagwadloup sé bon klima tropikal, on byodivèwsité é sit natirèl kriyan. Men sé osi listwa a-y é pozisyonman a-y an plen mitan Lakarayib ki ka fè tout atou kiltirèl é patrimonyal a-y pou fè moun vini. Tout richès-lasa, ka vèglé kèk san touris ki sòti toupatou oliwon latè pou pasé on séjou chak lanné.

Lagwadloup sé richès é travay, gras a touris ki ka fè lékonomi a bannzil an-nou vansé. Laréjyon Gwadloup ka kyenbé sèktè-lasa adan on touriz rèskonsab, bòsko é dòt lidé nèf.

Pou rivé vansé  si politik a moun ki vlé, Kolèktivité Réjyonal la ka mèt annaks " Schéma de Développement et d'Aménagement Touristique (SDAT)" a-y.

Dayèpouyonn, Konsèy Réjyonal tonbé dakò èvè-y an sèktanm 2009, davwa sé on zouti pou rédé a pwan bon désizyon. I ka dékoupé bannzil-la an twa téritwa jéo-touristik. Lidé a-y sé travay èvè modèl gouvènans lasa, ba moun konfyans adan-y é montré on bèl zimaj pou Lagwadloup konsayéla ba touriz-la fòs pou-y rèskonsab é bòsko.

Si nou ka gadé pli lwen ankò, nou ké vwè téritwa-la ni on litoral kriyan kriyan, èvè on gran manman èspas a lanmè ki mérité itilizé. Laréjyon Gwadloup té ké vlé on wouvè asi lanmè asèlfen bato vin on potomitan a dévlopman-la. Pousa, i adòpté " Plan régional de développement du nautisme" an 2008.